*!باب الحارة 14!*

أحداث باب الحارة الجزء الرابع عشر

معتز بيصير يمشي بالشقلوب من كتر ما هو زكرت وبيشتري أفانتي أتوماتيك بالتقسيط مشان يشفط بالحارة
*****
أبو غالب صار يبيع بطاقات شحن للموبايلات سيريتل وأريبا ( إم تي إن ) وبينادي
(الصبح اشتروك وعالسهرة خلصوك)
*****
عصام بكمل دكتوراه طب وبشتغل بمستشفى الضبع وبعد الدوام بيفتح كوافير نسواني
*****
أبو النار بروح بيعمل شوية عمليات تجميل حتى يشيل تشطيبات أبوشهاب من على وجهه
وبيفتح ورشة حدادة
*****
أبو حاتم بفتح بدال القهوة إنترنت كافيه و بفتح جنبها صالة بلياردو
*****
كل نسوان الحارة يبرموا الببور الأخرس وبيجيبوا فرن وتار
(وتار: ماركة أفران بسوريا)
*****
الثوار بجبلهم أبو شهاب أسلحة نووية من إيران وكوبا
*****
أبو بشير بقلب المخبز تبعه آلي وبفتح جنبه مطعم معجنات شامية وشاورما
(متل مطعم عروس دمشق)
*****
فريال بتتعرف على واحد من حارة الماوي عالأنترنت (عالشات) وبيحبوا بعض والعرس بالجزء القادم
*****
أبو شهاب بينكمش عم يهرب شاشات سامسونج وبينحط بسجن عدرا 15 سنة
وبيعمل تاتو على كتفوا وبيكتب "الشام شامك ولو الزمن ضامك"
*****
أبو حسن بيشتري 50 موتور سنفور مشان يعطيون لشباب الحارة لتحرير أبو شهاب
*****
وكلوا كرمال الشام وأهل الشام

يتبع في الجزء الخامس عشر

السلام عليكم........

هههههههه من وين جايب هل الكلمات وربي ضحكتنا واسلوب ممتاز وجيد

...........هههههه باب الحارةةةة في اله كمان جزء للخامس عشر معقول ههههههه

تقبل شكري وضحكتي ومروري هلا بك.........

السلام عليكم
هلالالالالالالالا وميت غلالالالالالالالالالا بعد في 25 جزء غير الفراطة
شكرا ألك لمرورك الكريم نورتي الموضوع ......