موضوع تعبير لطلاب صف الإبتدائي رهييييييييبب

طلب أستاذ الصف السادس الابتدائي من تلاميذه كتابة موضوع تعبير حيث كان النص على الشكل التالي:

" لي عم مهاجر أكتب إليه رسالة أحثه فيها على العودة والتحرر من آلام الغربة, وأعلمه فيها بالتطور الذي طرأ على الوطن بعد رحيله, وزوال الأسباب التي دفعته إلى الهجرة."

نظر الطلاب إلى الأستاذ وهموا بكتابة الموضوع, لكن صوت التلميذ ديبو المتسائل أوقفهم عن عملية الكتابة.

ديبو: أستاذ شو يعني "أحثه" ؟!

الأستاذ: أحثه يعني بتقله أنو كل شي تمام والوضع عال العال يا بهيم مشان يتحمس ويرجع.

ديبو: يعني أعمل له البحر طحينة, وأرش له قنبز مشان يرجع..مو هيك أستاذ؟
الأستاذ: اخرس واكتب من تم ساكت.. من وين متعلم هالحكي ولاه؟
ديبو: من المسلسلات أستاذ.
الأستاذ: لا بقى تتفرج عالتلفزيون يا دب.
ديبو: ما بقدر أستاذ..بحب المسلسلات.
الأستاذ: تفرج لكان عالمسلسلات التاريخية.
ديبو: حاضر أستاذ.
سعاد: أستاذ شو يعني تحرر؟!
الأستاذ: تحرر يعني أن نحارب العادات والتقاليد البالية.
سعاد: شو يعني عادات وتقاليد بالية أستاذ؟
الأستاذ: يعني متل ضرب الزوجات والأولاد.
فراس: أستاذ شو يعني آلام الغربة؟!
الأستاذ: يعني أنو عمك بيكون قاعد بالمهجر, وهو عم يتألم كل يوم لأنه حن الى الوطن.
سلوى: أستاذ شو يعني تطور؟!
الأستاذ: يعني متل سويسرا فرد شكل.
ليلى: أستاذ شو يعني زوال الأسباب التي دعته إلى الهجرة؟!
الأستاذ: يعني ما عاد في هم وغم ولعية قلب عالرايحة والجاية..

وكتب التلاميذ موضوعهم كما يلي:
عمي العزيز..بعد التحية والسلام, نحثك على العودة إلى الوطن, فالوطن جميل وفي كل شارع وكل رصيف ستجد كميات من القنبز المرشوش من هنا وهناك, ولكي تصدق فقد ذهبنا في رحلة إلى رأس البسيط وشاهدنا القنبز على طول الطريق, وكان من الخطأ أن نذهب في الرحلة, لأن عمو تبع النشرة الجوية قال إن الطريق غير سالك بسبب تراكم القنبز, ولكننا لم نسمع النشرة لأننا كنا نتفرج على مسلسل باب الحارة.

المهم يا عم مالك بالطويلة وصلنا إلى رأس البسيط بعد عذاب شديد بسبب القنبز, فشاهدنا البحر وركضنا لنسبح فيه, ولكننا لم نستطع لأنه كان كله طحينة, اي عن جد تعا وشوف بعينك صار البحر طحينة.
وعندما عدنا إلى المنزل لم يضرب بابا الماما لأنه بصراحة تجوز عليها وصار يضرب مرته الجديدة, لذلك لا تهتم بالعادات والتقاليد البالية فلقد قضينا عليها.
فإذا خرجت إلى الشارع فستجد السيارات وهي تطاحش على بعضها وعلى المشاة, وستشاهد الشوارع الزفت اللي مو مزفتة بسبب الحفريات تبع التطور, والأرصفة اللي كل سنة لون, وكل شهر شكل بسبب تغيرات التطور, يعني متل سويسرا فرد شكل....بس كل يوم شكل.

كفاك آلاما في الغربة, نعرف انك تتألم عندما تقبض راتبك الكبير, وتتألم عندما تشاهد الشوارع النظيفة في الغربة, والشوفيرية الأكابر اللي ما بيهجموا عليك مشان تركض مرعوب,

نعرف أنك تتألم عندما يقول لك البقال "غود مورنينغ سير", وعندما تدفع شركتك المصاري للطبيب عوضاً عنك, وعندما تساعدك البلدية على فتح شي مشروع, وعندما يعطيك البنك قرضاً مشان تنفذ أفكارك,
نعرف أنك تعاني وتتألم في الغربة, فتعال يا عمي, لأنك إذا لم تأتي سنأخذ صفر في التعبير, بقى بيهون عليك نرسب يا عمو؟؟؟؟؟

ههههههههههههههههههههههههههههههههههههههههههههههههه
بصراحة بيسانووووووووووووووو حسيت حالي عم شوف مرايا او بقعة ضوء اموضوع فكاهي ناقد كتير حلو
مع جزيــــــــــ الحب والشكر والاحترام ــــل
بلقيـــــــــــــــــــــــــــــــــــــــــــــــــس

منورة بلقيس على مرورك

وسعيدة اني رسمت الضحكة على شفاهك

ههههههههههههههههههههههههههههههههههههههههههههههه عن جد حلوووو هههههههههههههههههههههه الله يعطيكي العافبه .تقبلي مروري.

الطــير الدمــشقي

عن جد حلووووووو و رايئ هالموضوع

شامل للنقد و لحياتنا بأقطارنا

و بنفس الوقت بروح مرحة

اختيار موفق بحق

سلمت يداك

السلام عليكم............
موضوع فكاهي جميل ورائع بكلاماته واسلوبه بوركتي بيسان لما كتبتي
.............موضوع يعبر عن واقعنا ومما نعانيه من مظاهر ومشاكل لاتنتهي
.............موضوع ناقد لمجتمعاتنا والي فيهاااااااااا؟؟
وموضوع تعبيري ههههههه راح يخلي العم مايعود ابداااااااا من الغربة ههههههه
.................تقبلي مروري

ههههههههههههههههههههههههه

موضوع حلو كتير يسلم اديكي

تقبلي مروري

عطر الحروف

هههههههههههههههه موضوع مهضوم وهالولد كمان مهضوم Wink

شكرا لرسم البسمة بيسانو تقبلي مروري I love you

الله يجزيك كل خير
دمتي في سعادة من
المولى
عزوجل لهالموضوع الرائع يلي رسم البسمة على وجوه اخواتي وربي انا ما ضل فيني خواصر من لضحك تسلم اناملك اختي بيسان موضوع ناقد وهادف بنفس الوقت خلينا نشوفك في بقعة ضوء مو في بيروت هههههههههههههه لكل كل الود والاحترام تقبلي مروري

» تقبلو هل موضوع
» بدون موضوع
» موضوع رائع تفضلووووووو
» بتمنى الكل يقرأ هل موضوع
» موضوع رائع يحمل مشاعر راقية