مجرد اراء ووجهات نظر

اول شي يسعدكن جميع شباب وصبايا انا كان بخاطري موضوع كنت حابب نزلو من فتره بس كنت متردد

مشان مايصير زعل او حدا ياخد على خاطرو وموضوع اللي نزلو الاخ سمفونيه شجعني شوي اني اكتبو

وبتمنى من الكل

يشارك فيو وبدون زعل هلأ في شغله ملموسه عم نشوفا بالروم انو في كتير شباب صحيح مانن مشرفين

بس بيترددو كتير على الروم وبصير منهن كلام ملغوم كتير وبيعتبرو انو مزح وهيك واحيانا بكون مزحن غليظ

كتير لدرجة انو بينحظرو عليه سؤالي شو بجيهن من هالحكي وانو هل يقبل اي واحد منهن ينحكي هالحكي

اللي عم يقولو قدام بنت بتخصو ؟؟؟؟؟؟؟؟؟؟؟؟؟؟؟ بتمنى ماحدا يزعل مني وبتمنى من الكل يبدي رأيو

وماحدا يعتبر كلامي موجه بشكل شخصي لاي حدا وشكرا ئلكن جميع

اسمحولي راح كون اول واحد برد على هالحكي انا برأيي انو الانسان المحترم بيفرض احترامو على جميع الناس بغض النظر عن المكان اللي هوه متواجد فيو او البيئه اللي هوه فيها وانا بلاقي انو من الضروري الواحد لما بيحكي كلمه وخصوصي بوجود ناس كتير او بنات يحسب الكلمه اللي عم تطلع قبل مايقولا بغض النظر عن هالناس ان كانو سيئين ولا جيدين المهم انو الانسان مايغلط بحق نفسو ويضل محافظ على صوره بتنطبع عنو بشكل حلو وانيق لانو مو انا اللي راح احاسب هالناس الموجوده على الميزات اللي فيها

وشغله تانيه خصوصي لما بصير هيك موضوع بين شب وبنت حتى لو كانت البنت مشرفه واجا تدخل من برا

شبابنا عم يعتبرو هاد عدم نخوه او نوع من تبيييض الوش انا بعتبرو انو في كتير اشيا البنت بتتحاول تتغاضها

لانو بتكون مخجله وبتحاول انو ماترد عليها وشكرا

اي عطر هي كتير بتصير بفكر حالو انو هوي محبوب بين الكل وعم يثبت وجودو
وفي سبب تاني عم يورجي للبنات انو بيقدر يحكي شو ما بدو وبالوقت اللي بدو ياه المهم شو انو بس يحكي
بس هاد الشي ما بحبب بالواحد بالعكس بقلل من قيمتو قدام الكل سواء بنت ولا شب وبالنهاية كلنا فايتين على شات مو ضروري احكي كلام طالع نازل لاثبت وجودي كمان متل ما فات بأحترامو بامكانو يطلع باحترامو
هي وجهة نظري عطر
شكرا لوجهة نظرك اللي لازم الكل ينتبه عليها لانو ممكن تغير ولو شي بسيط
تقبل مروري

مشكور ئلك ريفانا على ردك ومشاركتك وتنويرك لهيك موضوع وبقبل مرورك غصب عني هههههههه

السلام عليكم

بعض الشباب يلي عم يفوتو ويحكيو هيك كلام ملغوم شبه معروفين وهني ع اساس انو بهيك جكي بكونو عم يمزحو ع اساس بس هني مو هيك قصدهن مع الاسف مجتمعنا بالنبك عندو عقيدي انو لواحد لو ما حكا كلام مو حلو ما بكون رجال لهذا السبب بصيرو يحكيو كلامو مغلوم بلروم مشان يفرجو بعضهن انو هني رجال ماشاء الله عليهن . تقبل مروري عطررر

الطــير الدمشقي

شكرا كتير حبيبي طير كمان فيها وجهة نظر وشكرا لمرورك الحلو

السلام عليكم الكلام الي حكيتو اخي عطر للأسف كتير عم يصير انا برأي متل ما الشخص بهمو سمعتو برات الشات وفي الحياة الواقعية كمان لازم يهتم فيها داخل الشات يعني الشب الي بيحكي كلام ملغوم على العام اكيد شخص ما رح يكون محبب وجودو ممكن البنت تتغاضا احيانا بس كتير بتكون مزعوجي طيب الشخص الي عم يحكي هيك كلام ممكن يكون حدا من الصبايا بخصو او بقربو وقتها بريد يطلع من تمو هاد الحكي ؟؟؟ بشكر ك على الموضوع عطر تقبل مروري.

شكرا كتير قطفه بعرف انو كتير عم يصير والمشكله انو اذا صار تدخل من اي مشرف عم ينقمو عليه ويعتبرو مصلحجي وقليل نخوه هههههههههههههه

اول شي يسلمووو عطور على الموضوع
وانا برأيي الشاب اللي بيحكي كلام ملغوم عام عيبة فحقو قبل غيرو حتى لو ماكان فيه بنات بنوب بس حتى قدام الشباب ما بيصير المزح والضحك وتغيير الجو يكون بس بكلام ملغوم لانو فينا نخلي جو الروم رائع جدا بكلام محترم وراقي ولازم نكون كبار بتصرفاتنا ونوزن الكلمة قبل لتطلع. ومو ضروري نفكر انو منعمل اي شي لانو ورا شاشة كمبيوتر وما حدا يعرفنا بالعكس اي تصرف للواحد غلط في حقو مع نفسو قبل غيرو ونسي انو الله رقيب عليه وعارف مين هو .
بتمنى الكل يحسب حساب للكلمة اللي تطلع من تمو كرمال نفسو قبل غيرو واحتراما لذاتو ولشخصو
تقبلو رايي واحتراماتي للكل

» ~,~,~مجرد نصيحة لك انت~,~,~