من السبب في المعاكسة البنت ام الشاب ؟

من السبب في المعاكسه البنت ام الشــــــاب.!!!
نحن نعاني في مجتمعنا هذا مشاكل كثيرة ومن أهمها هذه المشكلة المعاكسة...
هذه المشكله التي نعاني منها في مجتمعنا وبالذات في الفترة الاخيره حيث اصبح الشباب يهتمون بالمظاهر الخارجيه الكاذبه التي بعضها تدل على عكس امكانيات الشاب ولكن يتعمد هذه المظاهر للفت انتباه الفتيات..
هذا غير تعمد بعض الفتيات ان تبالغ في زينتها عند ذهابها للمحلات التجاريه ومنهم صغيرات السن التي لم يتجاوز عمرها الرابعه عشر ولكن اصبحت تنتبه لهذه الامور لما تشاهده وتسمعه سواء من قريبات او من زميلات ...
اخواني لو ان الشاب راى فتاتا محترمة محتشمة مؤدبة ..........
هل يستطيع ان يضايقها ومعاكستها ؟؟؟؟؟؟؟
من يبادر بالفرصة البنت ام الشاب .؟؟؟؟

ارجو واتمنى من كل الاعضاء ذكر أو انثى بإبداء رأيه بكل صدق وبكل صراحة؟ بتمنى تكون الردود بعيدا عن التجريح لاحد الطرفين . تحياتي

اول شي عندي ملاحظة لاخي سهم صيغة سؤال من السبب في المعاكسة البنت ام الشاب
لا تعني انو البنت بتعاكس المأصد على ما اعتقد وبدون تكبر او كتر حكي انو هل البنت سبب
في المعاكسة لتبرجها وتزين نفسها ولبسها الملفت ام السبب هو الشب بسبب طيشو
وعميان وقصر نظرو انا برأيي المعاكسة بحد زاتها هي تقليل من قدر الشب لانو اكيد
الشب هو يلي بعاكس مقايسة لبلدنا طبعا انا برأيي الشب هو السبب تاني شي
بمعاكستو للبنت اكيد عمقلل من قدرو وقيمتو واكيد اذا البنت عمتضحكلو ومبسوطة بكلامو
رح تكون هي السبب بس لا الاحتشام سبب عدم المعاكسة ولا الموضة سبب للمعاكسة في شباب
كتير بكونو عمعاكسو نسوان اد ستهم اكيد مو اعجاب بس بنظر الاخرين هواية هاد راي ان شاء الله ماكون
كترت حكي بشي غير مفيد ومشكورة كتير انسة قطفة على هل مووضوع الجميل والمفيد وان شاء الله
هل شباب الطايشة بتفهم انو المعاكسة هي تقليل من القدر

السلام عليكم
مشكوره اخت قطفه على الموضوع ومشكور الاخ سهم والاخ سمفونيه على ردودكم
السؤال المطروح مين السبب؟
السبب موجود عند التنين ذكر كان ام انثى
وهاد بيرجع للابتعاد عن الدين والاخلاق
الانثى المبتعدي عن دينا سبب لتخلي الشب يعاكسها صح انو الاناقه لازمي للبنت بس بحدود دينا يعني بالاحتشام وانا بشوف اكتير بنات محتشمين عين الله تحرسن مو ناقصهم شي بمعنا انو يتفرعو لينحبو
وفي شباب لحق الغرب بالموضه والشعر الي ماعم اعرف الشب بكون صحيان ومو متمشط ولا طالع من الحلاق
وفي شريحه من البنات بتحب هيك شباب متشبهين بالغرب فبكون الشب سبب
يعني متل ما قال سهم مناصفي بس بشريحه معيني متل ماشرحت
تقبلي مروري اختي الكريمي قطفه بنتظار مواضيعك المميزي
ابو عادل

في البداية لا شك أن رب الاسرة له دور كبير في عدم تعرض بناته للمعاكسات مصداقاً لقول الرسول صلى الله عليه وسلم كلكم راعٍ وكلكم مسئول عن رعيته تلك التصرفات الطائشة من الشباب نحو الفتيات ما هي الا نتيجة التبرج وعدم الالتزام باللباس الشرعي والحجاب تقبلو مروري ؟؟؟؟؟

السلام عليكم
اختي الكريمة: عندما اكون في احدا الشوارع وانضر الى فتاة تكون شبه عاريه او غير مؤدبة يمكنني معاكستها بسهوله جدا ولاكن اذا صادفتني فتاة محتشمة هل يمكنني معاكستها طبعا لا ونظر لهذا البنت هي السبب الرئيسي بلمعاكسه وتقبلي مروري خيتوو اخوكي الطير الدمشقي

قطفة الغالية يسلمو على موضوعك

ما فيني زيد كلام عن اللي قالوه زملائي
بس فيني قللك انو ما فينا ننكر انو البنت هيي اللي بتشد الشب ليلطشها
اذا مو بلبسها بنظراتها بحركاتها بمشيتها وهاد كلو بساعد الشب يلطش
بس شباب هل الايام ما عادو يحسنو ما يلطشو ان شاء الله البنت ما فيها شي وماشية بأدبها لازم يلطشو ويقولو ما يبلى المؤدب المهم ما يعضل لسانهن
يعني مو خالصة ان هيك ولا هيك طبعا اكيد ما بقصد كل الشباب
وخصوصي بهل الفترة مدري كيف صايرة النبك
واكيد كلكن ملاحظين
الله يهدينا جميعااااا
يسلمووووو حبيبتي قطفة تقبلي مروري تحياتي الك

يعطيكي العافية تيماا طبعا موضوع مهم جداا وانا مع سهم ووسام في لرد على لمووضوع ؟؟؟ بس

بحب ضيف شغلة انو لصيف لماضي وفي نبك حصرا وفي حارة لشنانة شفت منظر انا شب

ستغربت منو كنت اعد انا ورفيقي طبعا عندي رفيق ماشالله عليه ولله يسلمو من عيوون لحساد

شخصية مافي اجمل منهاا يعني بمعنا امو بتعشقو اشقر وعيوون زرق ومواصافات خيالية حتى هون

بلسعودية صار لبقو مهند وبلفعل لبشووفو احلى من مهند بكتير كتير لاتواخدونا طوولنا لشرح

لمهم . واقفين على باب بيتهم تروح وتجي سيارة فيها 3 بنات طول فترة لمسا اخر شي وقفت

لسيارة جنبنا وبكل رووح رياضية وبكل جرئى بنت قلتلو ياحلوو ممكن تتصل عليي هاد رقمي وضلوو

ماشين ؟؟ انا شب وستغربت لمووضوع بنت وعم تعمل هيك وطبعا لبشووف هل شب لمعي بقوول

عنو بنت لانو بيخجل من امو ازا بتسلم عليه بس من وين الله بالي ومرافقني مابعرف ولحمد لله

صلاة مابيقطع مو متلي الله يهديني ويهديكم عاد شو رئيكم بدك اكتر من هيك ؟؟؟؟؟ تقبلي

مرووري مس تيماا (وبلا حزف ردوود ..... )؟؟؟؟

شكرا كتير على الموضوع الحلو قطفه وانا برأيي انو الشب اللي بيحترم حالو ومابيغلط بحق نفسو ومابقلل من قيمة حالو متل ماقال الاخ وسام سواء كانت هالبنت محتشمه ولا غير محتشمه مؤدبه ولا غير مؤدبه مايتحركشها لانو بدو يعتبر انو اي بنت حتى لو من طرفو ممكن توقع بنفس الموقف وخلينا نقول كاجابه على سؤالك انا بقول مافي دخان بلا نار يعني متل ماقال سهم نص بنص وشكرا كتير ئلك تقبلي مروري قطفه